জিলা পৰ্যায়ত জিলা পৰিবহণ বিষয়াসকলে আঞ্চলিক পৰিবহণ কৰ্তৃপক্ষৰ সচিবৰূপে কাৰ্য্যনিৰ্বাহ কৰে। আঞ্চলিক পৰিবহণ কৰ্তৃপক্ষৰ সচিব হিচাপে তেওঁ বাণিজ্যিক বাহনসমূহৰ অনুমতি প্ৰদান আৰু অনুজ্ঞাপত্ৰৰ নৱীকৰণৰ দায়িত্বত নিয়োজিত হৈ থাকে।

জিলাসমূহৰ পৰিবহণৰ সৈতে জড়িত বিষয়সমূহ জিলা পৰিবহণ বিষয়াসকলে তেওঁলোকক প্ৰদান কৰা হোৱা ক্ষমতা অনুসৰি সম্পাদন কৰে। এখন জিলাত জিলা পৰিবহণ বিষয়াৰ পদ এটি অতি গুৰুত্বপূৰ্ণ পদ আৰু মটৰ গাড়ী আইন আৰু নিয়মৰ অধীনত এই বিষয়াসকলক কিছুমান অতি গুৰুত্বপূৰ্ণ বিধিগত ক্ষমতা প্ৰদান কৰা হয়।

আঞ্চলিক পৰিবহণ কৰ্তৃপক্ষৰ প্ৰাপ্তন সচিব জিলা পৰিবহণ বিষয়াগৰাকীয়ে মটৰ গাড়ী নিয়ম ১৯৮৯ ৰ অধ্যায় ২ আৰু ৩ ৰ অধীনত এখন জিলাৰ গাড়ী পঞ্জীয়ন আৰু অনুজ্ঞাপত্ৰ প্ৰদানৰ দিশত গুৰুত্বপূৰ্ণ ভূমিকা প্ৰদান কৰে। এই জিলা পৰিবহণ বিষয়াগৰাকীয়ে মটৰ গাড়ী আইন আৰু নিয়মৰ অধীনত সকলো প্ৰকাৰৰ চালক আৰু পৰিচালকৰ অনুজ্ঞাপত্ৰ প্ৰদান, মটৰ গাড়ী বিক্ৰেতালৈ ব্যৱসায়ৰ অনুজ্ঞাপত্ৰ প্ৰদান, নতুনকৈ পঞ্জীকৃত বাহনৰ পঞ্জীয়ন চিহ্নৰ এচাইনমেণ্ট, বিভিন্ন ধৰণৰ কৰ আৰু মাচুল সংগ্ৰহ আদি দিশত একমাত্ৰ দায়িত্বশীল ব্যক্তি। আঞ্চলিক পঞ্জীয়ন কৰ্তৃপক্ষৰ সচিব হিচাপে তেওঁ বিভিন্ন শ্ৰেণীৰ পৰিবহণ বাহনসমূহ চালনাৰ বাবে পথ অনুজ্ঞা প্ৰদান কৰে আৰু এই অনুজ্ঞাপত্ৰসমূহৰ নৱীকৰণ কৰে। ‘এমভিআই’ ৰ কৰ্ম ক্ষমতাৰে তেওঁ কাৰ্য্যালয়ৰ সমূহ ব্যৱস্থা মসৃণ ৰূপত পৰিচালিত কৰাৰ দায়িত্ব গ্ৰহণ কৰে। মটৰ গাড়ী আইন ১৯৮৮ ৰ অধীনত যান-বাহনৰ নিয়ম উলংঘনকাৰীৰ বিৰুদ্ধে ব্যৱস্থা গ্ৰহণ কৰাৰ ক্ষমতা তেওঁক প্ৰদান কৰা হৈছে।

জিলা ভিত্তিক কাৰ্য্যালয়সমূহ আৰু ইহঁতৰ মুখ্য কাৰ্য্যালয়সমূহ

জিলা পৰিবহণ কাৰ্য্যালয়ৰ ঠিকনাসমূহ